John Ronald Reuel Tolkien
![](http://upload.wikimedia.org/wikipedia/commons/thumb/d/d4/J._R._R._Tolkien%2C_ca._1925.jpg/220px-J._R._R._Tolkien%2C_ca._1925.jpg)
John Ronald Reuel Tolkien, mai conegut coma J. R. R. Tolkien (Bloemfontein, Africa del Sud, 3 de genièr de 1892 - Bournemouth, 2 de setembre de 1973) foguèt un filològ, escrivan e poèta britanic. Es conegut mai que mai per son òbra màger: Lo Senhor dels Anèls. Sos libres venguèron un vertadièr succès dins lo mond anglosaxon durant las annadas 1960. Laissèt un nombre important de material inedit que son filh Christopher Tolkien a publicat parcialament al long dels ans.
Èra un catolic fervent. Amic pròche de C. S. Lewis, fasiá partida coma el del grop literari dels Inklings. En 2008, The Times lo classifiquèt seisen dins una lista dels cinquanta autors britanics mai importants dempuèi 1945 (en anglés: "The 50 greatest British writers since 1945"). La revista Forbes lo situèt dins las cinc primièras celebritats mòrtas que creèron mai de beneficis en 2009.